Konservasi Lontar

Daweg Rahina Redite, Umanis Klawu, tanggl 25 Pebruari 2018 Penyuluh Bahasa Bali nyelehin kawentenan lontar duwen krama, silih tunggilipun kajantenang ring Puri Agung Buluh Kenana Abiantuwung. Ring pangawitipun, penyuluh wantah nyelehin saha nguningayang pidabdab kawentenan penyuluh ring para panglingsir puri, mangda lontar druwen Puri prasida kapretenin kaupapira saantukan sane kasinanggeh lontar sayan suwe majanten prasida kaon kawentenane. Angga Puri taler nyanggra becik kawentenan penyuluh wiadin pidabdab jagi mretenin lontar Ida.
Ngelantur ring rahina Sukra Umanis Klawu, tanggal masehin 2 Maret 2018, kamargiang seseleh ngeninin indik kawentenan lontar ring puri saha kapanggihin wenten langkungan ring 60 cakep lontar, minakadi lontar wirata parwa, basma tiga, rontal pameda semara, kakawin barata yudha, babad pamancangah, arjuna wiwaha, lontar saraswati, tutur gong wesi, tutur wargasari, penglipur lara, tutur kamandaka, asta kosala-kosali, pengajum widi,ken arok, kidung kanta boja, tantri papaka, dasar pengiwa, pengiwa utama, primbon, pragolan, usana jawa, guna peswakan, geguritan ulangun, catur yuga, wariga gemer, kaputusan kunti sraya, kaputusan resi aksara, usada paribasa, tenung saptawara, usada kalimosada kuranta bolong, tenung wong dusta, bisma parwa, usada rare, tutur sastra, pengunyan sasih, pangeger, puja mantra, puja polah palih pangastawa, wira carita, pratiti druwen puri, kaputusan kadyatmikan, pebratan, kidung rumaksa, semara tantra, kawisesan, guna utama, tutur rwa bhineda, pengayam, ayam, tutur sunari trus, miwah sane siosan.