Malajah Aksara Bali

paling sing, bisa ngae adan padidi

baju beraksara Bali upaya memasyarakatkan aksara Bali

“Malajah Basa Bali, kéweh-kéweh aluh, aluh aluh kéweh” Keto akéh anaké nyambatang. Yening ngajahin basa Bali pamekas aksara Bali, para guru wiadin sira ugi sane ngicén paurukan, kaaptiyang prasida makarya makudang-kudang pangupaya kreatif mangda paplajahan basa Bali kasenengin saha dangan karesepang. Parindikan puniki taler sane kalaksanayang penyuluh bahasa Bali Désa Abiantuwung. Ngawit masuk ke kelas, akéh sané durung pedas uning ring aksara wreastra, gantungan, gémpelan napi malih swalalita. Antuk punika, raris kakaryanang aksara Bali sane sesuratanipun wantah wastan soang-soang sisya. Guru dangan uning ring wastan soang-soang sisya, saha sisya prasida tatas uning sapunapi nyurat wastan soang-soang, sangkaning ngarahina jagi manggihin papan nama ipun ring meja soang-soang. Pamargin kuis taler dahat mabuat kalaksanayang, mawinan para sisya ageng kedehipun malajah aksara Bali, napi malih madaging upah. Sinah sayan seneng saha teleb malajah aksara Bali.